Reglugerð um jöfnun tekjutaps sveitarfélaga vegna lækkunar tekna af fasteignaskatti.

1. gr.

Jöfnunarsjóður sveitarfélaga skal greiða sveitarfélögum framlög skv. 3. gr. reglugerðar þessarar til að jafna tekjutap einstakra sveitarfélaga vegna lækkunar tekna af fasteignaskatti í kjölfar breytingar á álagningarstofni mannvirkja, sbr. 4. gr. laga nr. 144/2000 um breytingu á lögum um tekjustofna sveitarfélaga.

Félagsmálaráðherra tekur ákvörðun um úthlutun framlaga, sbr. 1. mgr., að fengnum tillögum ráðgjafarnefndar Jöfnunarsjóðs sveitarfélaga.

2. gr.

TekjurTil framlaga samkvæmt reglugerð þessari skulu renna allt að 30% af tekjum Jöfnunarsjóðs sveitarfélaga vegnaskv. tekjujöfnunara-lið 8. gr. laga um tekjustofna sveitarfélaga, nr. 4/1995, með síðari breytingum.

 Hlutdeild í tekjum Jöfnunarsjóðs, sbr. 1. gr.mgr., skuluskal veramiðast framlagvið úrtekjur ríkissjóðisjóðsins ersamkvæmt nemifjárlögum 0,64%yfirstandandi afárs skatttekjumað ríkissjóðsteknu aftilliti beinumtil oghugsanlegra óbeinumleiðréttinga sköttumá semtekjum innheimtirhans erusamkvæmt ífjáraukalögum ríkissjóðnæst liðins árs.

3. gr.

Í þeim tilvikum sem afskrifað endurstofnverð húsa og mannvirkja, annarra en sumarhúsa og útihúsa í sveitum, margfaldað með markaðsstuðli fasteigna í Reykjavík, samkvæmt matsreglum Fasteignamats ríkisins, er hærra en fasteignamat sömu fasteigna, skal Jöfnunarsjóður sveitarfélaga greiða framlag til viðkomandi sveitarfélags.

Framlög Jöfnunarsjóðs til einstakra sveitarfélaga skulu reiknast sem mismunur á fasteignamati og álagningarstofni í hverju sveitarfélagi, sbr. 1. mgr., margfaldaður með álagningarprósentu fasteignaskatts viðkomandi sveitarfélags eins og hún var árið 2000, sbr. fylgiskjal 1. Heildarframlög Jöfnunarsjóðs til sveitarfélaga skulu þó ávallt nema sömu fjárhæð og tekjur skv. 2. gr.

4. gr.

Á grundvelli árlegrar skrár frá Fasteignamati ríkisins um metnar fasteignir í hverju sveitarfélagi, þar sem fram kemur m.a. heildarfasteignamat fasteignanna ásamt svonefndum álagningarstofni sömu eigna skal Jöfnunarsjóður sveitarfélaga reikna út framlög til sveitarfélaga samkvæmt reglugerð þessari. Við útreikninginn skal Jöfnunarsjóður taka tillit til upplýsinga frá sveitarfélögum um breytingar sem þau gera á skránni áður en til álagningar kemur og hafa til hliðsjónar þau ákvæði reglugerðar um fasteignaskatt nr. 945/2000 sem sveitarfélög beita við álagninguna, sbr. 2. mgr. Útreikningi framlaga skal lokið eigi síðar en 15. júní ár hvert.

Upplýsingum um breytingar á skrá Fasteignamats ríkisins, sbr. 1. mgr., skal skilað á eyðublöðum sem Jöfnunarsjóður lætur sveitarfélögum í té. Á þeim skal tilgreina eftirfarandi atriði:

a.	fasteignir sem undanþegnar eru álagningu fasteignaskatts skv. 1. mgr. 6. gr. reglugerðar um fasteignaskatt, nr. 945/2000, eða ákvæðum sérlaga,
b.	ákvarðanir sveitarfélags um lækkun eða niðurfellingu álagðs fasteignaskatts vegna fasteigna sem falla undir 1.-4. mgr. 7. gr. reglugerðar nr. 945/2000,
c.	lækkun fasteignaskatts vegna samninga við stóriðjufyrirtæki,
d.	leiðréttingar sem sveitarfélög gera vegna fasteigna þar sem flokkun eða mat hefur breyst, svo sem í kjölfar endurmats eða úrskurðar yfirfasteignamatsnefndar,
e.	beitingar mismunandi álagningarprósentu í sameinuðu sveitarfélagi, sbr. 5. mgr. 7. gr. reglugerðar nr. 945/2000,
f.	endanlega niðurstöðu álagningar vegna fasteigna þar sem nýting er með þeim hætti að ákvæði 3. mgr. 4. gr., 2. mgr. 6. gr. eða 8. gr. reglugerðar nr. 945/2000 eiga við.

Með álagningarstofni, sbr. 1. mgr., er átt við afskrifað endurstofnverð húsa og mannvirkja samkvæmt matsreglum Fasteignamats ríkisins, annarra en sumarhúsa og útihúsa í sveitum, margfaldað með markaðsstuðli fasteigna í Reykjavík, ásamt fasteignamati allra annarra fasteigna, að meðtöldum lóðum og lóðarréttindum.

5. gr.

Þar til endanlegur útreikningur framlaga liggur fyrir, sbr. 4. gr., skal Jöfnunarsjóður sveitarfélaga greiða viðkomandi sveitarfélagi framlag fyrirfram sem nemur 60% af framlagi næstliðins árs. Greiðslan skal innt af hendi með fimm jöfnum greiðslum fyrsta virka dag mánaðanna febrúar til júní ár hvert.

Þegar útreikningur framlaga liggur fyrir, sbr. 4. gr., skal Jöfnunarsjóður sveitarfélaga greiða sveitarfélögum endanlegt framlag ársins að frádreginni fyrirframgreiðslu, sbr. 1. mgr. og skal sá mismunur greiddur í jöfnum greiðslum fyrsta virka dag mánuðina júlí til september ár hvert.

6. gr.

Árlega skulu sveitarfélög senda Jöfnunarsjóði sveitarfélaga upplýsingar um breytingar sem þau gera á skrá Fasteignamats ríkisins um metnar fasteignir í sveitarfélaginu og upplýsingar um áhrif framkvæmdar við álagningu, sbr. 4. gr.

Hafi upplýsingar, sbr. 1. mgr., ekki borist Jöfnunarsjóði sveitarfélaga fyrir 15. maí ár hvert er Jöfnunarsjóðnum heimilt að stöðva greiðslur framlaga samkvæmt reglugerð þessari til viðkomandi sveitarfélaga. Framlög viðkomandi sveitarfélaga skulu þá áætluð svo útreikningur heildarframlaga geti átt sér stað.

Hafi upplýsingar sveitarfélaga, sbr. 1. mgr., ekki borist Jöfnunarsjóði sveitarfélaga fyrir 15. ágúst skulu endanleg framlög viðkomandi sveitarfélaga nema 80% af áætlun, sbr. 2. mgr. Greiðsla framlaga til viðkomandi sveitarfélaga skal innt af hendi í september viðkomandi ár að teknu tilliti til fyrirframgreiðslu, sbr. 1. mgr. 5. gr.

7. gr.

Reglugerð þessi er sett á grundvelli laga um tekjustofna sveitarfélaga, nr. 4/1995, með síðari breytingum, og öðlast þegar gildi.

Ákvæði til bráðabirgða.

Jöfnunarsjóður sveitarfélaga skal í janúar 2001 gera áætlun um útreiknað framlag hvers sveitarfélags árið 2001.

Þrátt fyrir ákvæði 1. mgr. 5. gr. skal Jöfnunarsjóður sveitarfélaga á árinu 2001 greiða viðkomandi sveitarfélagi framlag fyrirfram sem nemur 60% af áætluðu framlagi, sbr. 1. mgr.

Ákvæði til bráðabirgða.

Þrátt fyrir ákvæði 1. mgr. 5. gr. skal Jöfnunarsjóður sveitarfélaga greiða til sveitarfélaga á árinu 2002 framlag fyrirfram sem nemur 60% af áætluðu framlagi, miðað við framlag á fjárlögum þess árs.