Drónareglur - Opni flokkurinn

Til að geta flogið í opna flokknum þurfa allir flugmenn að vera skráðir á skráningarsíðu Samgöngustofu, Flydrone.is (nema flugmenn C0 dróna án myndavélar). Til að geta flogið dróna sem vegur meira en 250 grömm þurfa flugmenn að lesa kennsluefni og standast A1/A3 hæfnipróf á skráningarsíðunni. Þeir sem standast prófið öðlast réttindi til að fljúga drónum allt að 900 grömm að þyngd í undirflokki A1 og allt að 25 kg að þyngd í undirflokki A3. Í undirflokki A2 er leyfilegt að fljúga mjög nálægt fólki og þar af leiðandi talinn áhættumesti undirflokkurinn í opna flokknum. Það eru gerðar meiri kröfur til hæfni flugmanna í undirflokki A2 og þarf að standast sérstakt A2 próf sem er aðeins haldið í húsakynnum Samgöngustofu eða hjá samþykktum aðila.

* Gildir til 31. desember 2023

Hámarksflughæð skal vera 120 m frá jörðu. Það er mögulegt að fljúga hærra en 120 m frá jörðu, en innan við 15 m frá manngerðum hlutum, með leyfi eiganda.

Það er leyfilegt að fljúga að nóttu til, á meðan hægt er að sjá drónann (VLOS). Til að sjá drónann er nauðsynlegt að hann sé búinn ljósum. Skylda er að hafa grænt blikkandi ljós á drónanum að nóttu til.

Ef þú ert einyrki sem notar dróna í atvinnuskyni sem bæði umráðamaður og fjarflugmaður dróna þarf ekki að hafa rekstrarhandbók.
Fyrirtæki með með flugmenn í vinnu við að fljúga drónum þarf að lágmarki að hafa: 

• Verklagsreglur yfir starfsemina.

• Lista yfir starfsmenn með hlutverki þeirra.