Öryggi gangandi vegfarenda

Gangandi vegfarendur skulu nota

• gangstétt eða gangstíg

• þann hluta vegar sem liggur utan akbrautar

• vegbrúnina, vinstra megin á móti umferð og aldrei fleiri en tveir vegfarendur samhliða

Gangandi vegfarandi sem leiðir reiðhjól eða létt bifhjól

• skal ganga við hægri vegbrún

• má nota gagnstæða vegarbrún vegna hættu eða sérstakra aðstæðna

Gengið yfir akbraut eða hjólastíg

Sérstaka aðgát skal sýna gagnvart ökutækjum sem nálgast. Best er að nota:

• gangbraut eða aðra gönguþverun ef hún er nálæg

• göng og brú fyrir gangandi vegfarendur

• annars að ganga þvert yfir akbraut og sem næst vegamótum

Þar sem umferð er stjórnað af lögreglu eða með umferðarljósum má einungis ganga yfir akbraut þegar

• grænt ljós er fyrir umferð gangandi vegfarenda

• lögreglan gefur til kynna með merkjagjöf að umferð gangandi sé heimil

Umferð á gangstígum

Allir vegfarendur á stígum og gangstéttum ættu að miða við að

• í gildi sé hægri umferð

• að taka eigi fram úr vinstra megin

Þar sem yfirborðsmerkingar aðgreina stíga fyrir gangandi og hjólandi, borgar sig að virða þær merkingar.