Leysar, leysibendar og IPL-tæki
Á þessari síðu
Almennt
Notkun öflugra leysa, leysibenda og IPL-tækja meðal almennings er leyfisskyld en innflutningur tækjanna tilkynningarskyldur.
Leysibendar eru ekki leikföng. Leysibendar geta verið öflugir og valdið bráðum skaða á augum.
Leysar, leysibendar og IPL-tæki eru meðal annars notuð:
í iðnaðarvinnslu á efnum
við rannsóknir og í mælitækjum
í læknis- og snyrtimeðferðum
við ljósasýningar á tónleikum
Ef um sterka leysibenda er að ræða þarf sérstakt leyfi til notkunar.
Áhrif á heilsu
Leysar, leysibendar og IPL-tæki geta verið skaðlegir augum og húð, því ber að nota þá varlega. Einnig geta öflugustu leysarnir og leysibendarnir valdið íkveikju.
Ekki eru allir leysar skaðlegir. Þeir sem taldir eru öruggir undir öllum venjulegum kringumstæðum eru í flokki 1. Slíka leysa má nota í leikföng.
Það á alltaf að vera merking á leysum með upplýsingum um hvaða flokk þeir tilheyra.
Leysar, leysibendar og IPL-tæki geta valdið brunaskaða á húð og augu og í einhverjum tilfellum leitt til sjónmissis.
Hættan á skaða fer eftir:
afli leysis
bylgjulengd
fjarlægð frá auga eða húð
hversu lengi augað verður fyrir geislanum
hversu dreifður geislinn er
Ef geislinn er ekki samfelldur heldur púlsaður er hættan einnig háð lengd og orku púlsanna.
Varnir
Til að komast hjá augnskaða af völdum öflugs leysis er mikilvægt að horfa aldrei í leysigeislann.
Í sumum tilfellum þarf að nota hlíðfarbúnað.
Þjónustuaðili
Geislavarnir ríkisins