Gæðaviðmið fyrir félagslega þjónustu við fatlað fólk

Gæðaviðmið segja hvernig félagsleg þjónusta við fatlað fólk á að vera. Þau eru byggð á íslenskum lögum og mannréttindasamningum, eins og samningi Sameinuðu þjóðanna um réttindi fatlaðs fólks.

Gæðaviðmiðin nýtast fólkinu sem fær þjónustuna, fólkinu sem veitir þjónustuna og eftirlitsaðilum til að skoða og meta hvort þjónustan sé góð.

Gæðaviðmiðin fjögur

Reglur til að skoða þjónustuna

Undir hverju gæðaviðmiði eru 4 reglur sem notaðar eru til að skoða þjónustuna.

• Samfélagsleg þátttaka.
  Þjónustan mín hjálpar mér að taka þátt í samfélaginu eins og ég vil.

• Heildarsýn og velferð.
  Það er hugsað um tilfinningar mínar, hvernig mér líður og hvað ég þarf þegar þjónustan mín er skipulögð. Ég fæ að vera með í að taka ákvarðanir um mig og þjónustuna mína.

• Jafnræði og virðing.
  Mér finnst þjónustan byggjast á virðingu við mig. Ég upplifi ekki mismunun í þjónustunni. Ég tek ákvarðanir í lífi mínu og réttur minn til einkalífs er virtur.

• Gæði þjónustu.
  Ég get treyst því að ég fái þá þjónustu sem ég þarf og þegar ég þarf.

Gæðavísar

Til þess að skoða þjónustuna eru notaðir gæðavísar í formi fullyrðinga.

Gæðavísar hjálpa fötluðu fólki að lýsa því hvernig þeim finnst þjónustan vera.
Sumar fullyrðingarnar eiga við um fjölskyldur fatlaðs fólks. Bæði börn og fullorðnir geta notað þessa gæðavísa til að skoða þjónustuna sína.

Skoða gæðavísa.

Samstarf um mótun gæðaviðmiða

Gæðaviðmiðin voru unnin í náinni samvinnu við helstu hagsmunaaðila í málaflokknum. Að vinnunni komu auk fulltrúa stofnunarinnar;

• Greiningar- og ráðgjafarstöð ríkisins

• Landssamtökin Þroskahjálp

• Samband íslenskra sveitarfélaga

• Samtök félagsmálastjóra

• velferðarsvið Reykjavíkurborgar

• Öryrkjabandalag Íslands.