Flugreglur og hljóðmengun frá flugumferð

Um flughæðir á Íslandi gildir eftirfarandi: 

• Yfir þéttbýli skal ekki flogið í minni hæð en 1.000 fetum (um 300 metra).

• Yfir dreifbýli skal ekki flogið í minni hæð en 500 fetum (150 metra).

• Flugtök og lendingar eru undanskildar þessum takmörkunum, auk þess sem hægt er að veita sérstakt leyfi. Landeigendur geta einnig veitt sérstaka heimild til lendingar á landi sínu.

• Sérstakar ráðstafanir ert gerðar til að skipuleggja brottflug og aðflug við flugvelli, svokallaður umferðarhringur sem og sjónflugsleiðir til og frá flugvelli.

• Mikil framþróun hefur átt sér stað í þróun hreyfla og tæknin hjálpar sífellt til varðandi minni útblástur og hávaða. Ný loftför uppfylla strangari skilyrði en þau eldri.

• Sérstakar ráðstafanir eru gerðar á flestum flugvöllum til að draga úr hljóðum frá loftförum, bæði með takmörkunum á flugleiðum, opnunartímum, tilmælum og sérstökum skilyrðum. Slíkar ráðstafanir er í stöðugri þróun.

• Farið er eftir lögum og reglum og ýmsum ráðstöfunum og takmörkunum í samræmi við kröfur og tilmæli Alþjóðaflugmálastofnunarinnar (ICAO) sem Ísland er aðili að.

• Leitast er við að koma til móts við umhverfið með stöðugri framþróun og ráðstafanir taka mið af gildandi reglum og kröfum.

• Flugmenn þurfa að vera tillitsamir gagnvart umhverfi sínu á sama hátt og almenningur áttar sig á því að flug er hluti af samfélaginu eins og önnur farartæki og starfsemi.

• Frá jörðu getur verið erfitt að meta flughæð tiltekins loftfars. Slíkt getur verið háð til dæmis landslagi, veðurskilyrðum og sjónarhorni.

Athugasemdir vegna hávaða frá loftförum ber að senda á viðeigandi heilbrigðisnefnd, en þær hafa eftirlit með framkvæmd reglugerðar um hávaða. Athugasemdir vegna flughæða má senda rafrænt til Samgöngustofu.