Fjölskyldunámskeið í íslensku táknmáli

Samskiptamiðstöð veitir táknmálsbörnum, foreldrum og forsjáraðilum þeirra og öðrum nánum aðstandendum aðgengi að endurgjaldslausu námi í íslensku táknmáli og ráðgjöf um máltöku og málþroska táknmálsbarna.

Aðstandendur táknmálsbarna eiga lögvarinn rétt til þess að læra íslenskt táknmál.

Markmið fjölskyldunámskeiða

Helstu markmið fjölskyldunámskeiða er að:

• styðja og styrkja samskipti fjölskyldna á íslensku táknmáli

• fjölskyldur táknmálsbarna geti notað íslenskt táknmál á öllum sviðum samskipta

• tengja fjölskyldur táknmálsbarna saman

Fyrirkomulag námskeiðs

• Kennt er einu sinni í viku, í einn og hálfan klukkutíma í senn

• Námskeiðin eru fjölskyldum að kostnaðarlausu

• Námskeið eru kennd á Samskiptamiðstöð en búi fólk á landsbyggðinni er hægt að sækja kennslu í gegnum fjarfundarbúnað

• Skrá þarf nafn og aldur allra sem taka þátt í námskeiðinu

Kennsla námskeiðs

Alla miðvikudaga býður Samskiptamiðstöð foreldrum, forsjáraðilum sem og öðrum nánum aðstandendum táknmálsbarna upp á námskeið í íslensku táknmáli, þeim að kostnaðarlausu.

Kennt er frá klukkan 14:30 til 16:00 á Samskiptamiðstöð.

Hafa samband

Hægt að hringja og fá nánari upplýsingar eða koma á Samskiptamiðstöð á opnunartíma.