Dvalarleyfi vegna vinnudvalar er að hámarki veitt til eins árs.
Dveljist handhafi leyfisins lengur en þrjá mánuði samfellt erlendis getur dvalarleyfið verið fellt niður. Dvalarleyfi útlendings fellur sjálfkrafa niður þegar lögheimili hans, sem skráð var hér á landi, hefur verið skráð erlendis í þrjá mánuði.
Réttur til endurnýjunar leyfis
Ríkisborgarar Androrra, Bretlands og Kanada geta endurnýjað leyfið um allt að eitt ár.
Japanskir ríkisborgarar geta ekki endurnýjað leyfið.
Réttur til fjölskyldusameiningar
Dvalarleyfið veitir ekki rétt til fjölskyldusameiningar.
Réttur til að vinna
Dvalarleyfi vegna vinnudvalar fylgir óbundið atvinnuleyfi, það þýðir að handhafi þess getur unnið og skipt um vinnu án þess að sækja um atvinnuleyfi til Vinnumálastofnunar, meðan á dvölinni stendur.
Réttur til ótímabundins dvalarleyfis
Dvalarleyfið getur ekki verið grundvöllur ótímabundins dvalarleyfis.
Þjónustuaðili
Útlendingastofnun