Bifreiðastyrkir fyrir hreyfihamlað fólk, blinda og lífeyrisþega
Uppbót vegna kaupa á bíl
Hægt er að sækja um uppbót vegna kaupa á bíl, sem er nauðsynlegur til að stunda vinnu, nám, endurhæfingu eða sækja læknisþjónustu.
Umsækjandi þarf að vera:
metinn hreyfihamlaður, miðað er við að göngugeta sé að jafnaði minni en 400 metrar á jafnsléttu,
lífeyrisþegi hjá TR,
sjúkratryggður á Íslandi.
Þú getur sótt um uppbót vegna kaupa á bíl ef þú eða barn þitt er með hreyfihömlunarmat hjá TR og fær:
örorkulífeyri eða örorkustyrk,
ellilífeyri,
umönnunargreiðslur vegna hreyfihamlaðs barns.
Fjárhæðir
Uppbót vegna kaupa á bíl er 500.000 krónur.
Fyrir þau sem eru að kaupa bíl í fyrsta sinn eða hafa ekki átt bíl síðustu 10 ár er upphæðin 1.000.000 krónur.
Fylgigögn
Með öllum umsóknum þarf að fylgja:
hreyfihömlunarvottorð frá lækni (óþarfi ef hreyfihömlunarmat er í gildi hjá TR),
númer ökuskírteinis skráð á umsókn,
í einstaka tilfellum óskar TR eftir mati á göngugetu umsækjanda frá sjúkraþjálfara, þú færð bréf á Mínar síður ef svo er.
Eftir að umsókn hefur verið samþykkt þarf að skila afriti af kaupsamningi eða reikningi vegna bílakaupanna þar sem kaupverð á bílnum kemur fram.
Uppbót/styrkur vegna kaupa á bíl - algengar spurningar
Þjónustuaðili
Tryggingastofnun