Bifreiðastyrkir fyrir hreyfihamlað fólk, blinda og lífeyrisþega
Styrkur vegna kaupa á bíl
Hægt er að sækja um styrk til að kaupa bíl, sem er nauðsynlegur til að stunda vinnu, nám, endurhæfingu eða sækja læknisþjónustu.
Umsækjandi þarf að vera:
metinn verulega hreyfihamlaður, til dæmis nota hjólastól eða tvær hækjur að staðaldri,
sjúkratryggður á Íslandi.
Fjárhæð
Styrkurinn er 2.000.000 krónur.
Fylgigögn
Umsækjandi þarf að skila:
hreyfihömlunarvottorði (óþarfi ef hreyfihömlunarmat er þegar í gildi hjá TR),
númer ökuskírteinis skráð í umsókn,
í einstaka tilfellum óskar TR eftir mati á göngugetu umsækjanda frá sjúkraþjálfara, þú færð bréf á Mínar síður ef svo er.
Eftir að umsókn hefur verið samþykkt þarf að skila afriti af kaupsamningi eða reikningi vegna bílakaupanna þar sem kaupverð á bílnum kemur fram.
Uppbót/styrkur vegna kaupa á bíl - algengar spurningar
Þjónustuaðili
Tryggingastofnun