Bifreiðastyrkir fyrir hreyfihamlað fólk, blinda og lífeyrisþega

Hægt er að sækja um styrk til að kaupa bíl, sem er nauðsynlegur til að stunda vinnu, nám, endurhæfingu eða sækja læknisþjónustu.

Umsækjandi þarf að vera:

• metinn verulega hreyfihamlaður, til dæmis nota hjólastól eða tvær hækjur að staðaldri,

• sjúkratryggður á Íslandi.

Sérútbúinn bíll

Styrkur vegna kaupa á bíl sem þarf að breyta eða bæta við hjálparbúnaði.

Styrkt er upp að 60% af kaupverði bílsins án aukabúnaðar en að hámarki 7.400.000 krónur.

Umsækjandi þarf að:

• sækja um greiðsluþátttöku vegna tæknilegra hjálpartækja hjá Sjúkratryggingum Íslands.

Fylgigögn

Umsækjandi þarf að skila:

• hreyfihömlunarvottorði (óþarfi ef hreyfihömlunarmat er þegar í gildi hjá TR),

• númer ökuskírteinis skráð í umsókn,

• í einstaka tilfellum óskar TR eftir mati á göngugetu umsækjanda frá sjúkraþjálfara, þú færð bréf á Mínar síður ef svo er.

Sérútbúinn rafbíll

Styrkur vegna kaupa á rafbíl sem þarf að breyta eða bæta við hjálparbúnaði.

Styrkt er upp að 66% af kaupverði bílsins án aukabúnaðar en að hámarki 8.140.000 krónur.

Umsækjandi þarf að:

• sækja um greiðsluþátttöku vegna tæknilegra hjálpartækja hjá Sjúkratryggingum Íslands.

Fylgigögn

Umsækjandi þarf að skila:

• hreyfihömlunarvottorði (óþarfi ef hreyfihömlunarmat er þegar í gildi hjá TR),

• númer ökuskírteinis skráð í umsókn,

• í einstaka tilfellum óskar TR eftir mati á göngugetu umsækjanda frá sjúkraþjálfara, þú færð bréf á Mínar síður ef svo er.

Upplýsingar fyrir foreldra hreyfihamlaðra barna

Almennt er ekki veittur styrkur fyrir sérútbúnum bíl til foreldra hreyfihamlaðra barna undir 10 ára.

Í sérstökum tilfellum eru veittar undanþágur.

Til dæmis ef barn:

• er háð þungum og fyrirferðamiklum hjálparbúnaði á meðan það er í bifreið,

• er mjög hávaxið eða þungt miðað við aldur,

• þarf sannarlega sambærilega bifreið og fullorðinn einstaklingur í sambærilegri aðstöðu.