Að kaupa inn fyrir opinbera aðila
Ferlið við opinber innkaup miðar að því að ná góðum samningi. Vönduð innkaup fela í sér fjóra meginþætti sem breytast ekki, sama hver kaupin eru.
1. Greining
Kaupandinn gerir innkaupagreiningu og áætlanir. Þá kemur í ljós hvort upphæð verði yfir viðmiðunarfjárhæð eða ekki.
Ef kaupin eru hugsanlega yfir viðmiðunarfjárhæðum er send inn verkbeiðni til Ríkiskaupa, að greiningu lokinni.
Hægt er að senda inn fyrirspurn til Ríkiskaupa til þess að fá aðstoð eða leiðbeiningar við greiningarvinnuna.
2. Undirbúningur
Kaupandi og Ríkiskaup vinna útboðsgögn í sameiningu. Kaupandi skilar inn lýsingu á því sem þarf að kaupa og Ríkiskaup aðstoða við að skrifa útboðstæknilegan hluta útboðsins.
3. Útboð
Tíminn frá því útboð er auglýst og þangað til tilboð er valið. Gera má ráð fyrir að útboðstími sé rúmir tveir mánuðir.
4. Samningsstjórnun
Samningsstjórnun er á ábyrgð kaupandans. Með henni er tryggt að seljandi uppfylli skilyrði samnings.
Fyrsta skref: Greining á innkaupum
Þjónustuaðili
Ríkiskaup