Síðast uppfært 2.4.2020

Innskráningarþjónustan

Fjölmargar stofnanir, sveitarfélög, félagasamtök og fyrirtæki nýta innskráningu Ísland.is og fjölgar ört. Daglega nota þúsundir manna innskráningu Ísland.is til að skrá sig inn á vefina og fá einstaklingsmiðaða þjónustu.

Nánar um innskráningu

  • Innskráning er alltaf á öruggu svæði, https://innskraning.island.is.
  • Samskipti vegna innskráningar fara aldrei fram á vef þjónustuveitanda.
  • Á mínum síðum á Ísland.is getur fólk skoðað sögu innskráninga sinna og þannig áttað sig á því ef óviðkomandi hefur komist yfir Íslykil eða rafræn skilríki þess.
  • Öll samskipti eru yfir dulritað burðarlag (SSL).
  • Allar persónuupplýsingar varðandi Íslykil eru dulritaðar. Ekki er hægt að birta Íslykilinn í neinum hluta kerfisins, aðeins tætigildi hans er geymt.

Fjórar mismunandi innskráningarleiðir:

  • Rafræn skilríki í síma
  • Rafræn skilríki á korti
  • Íslykill
  • Styrktur Íslykill (Íslykill og SMS í farsíma)

Mikilvægt er að fólk afhendi ekki öðrum rafræn auðkenni sín. Þess vegna er þörf á rafrænum umboðum.

Hverjir veita umboð?

  • Einstaklingur veitir öðrum einstaklingi/fyrirtæki umboð
  • Fyrirtæki veitir starfsmanni umboð