Dvalarleyfi fyrir námsmenn

Fyrst þarftu að fá inngöngu í nám sem er viðurkennt sem grundvöllur námsmannaleyfis.

Námsmannaleyfi eru veitt til að stunda:

• Fullt nám við háskóla hér á landi.

• Doktorsnám við erlendan háskóla, sem er í samstarfi við íslenskan háskóla.

• Skiptinám á vegum viðurkenndra skiptinemasamtaka.

• Starfsnám, þegar starf á Íslandi er hluti náms þíns.

• Iðnnám vegna viðurkennds starfsnáms á framhaldsskólastigi.

Þú þarft einnig að:

• Sanna á þér deili með gildu vegabréfi.

• Sýna fram á trygga framfærslu.

• Leggja fram sjúkratryggingu og sakavottorð.

Mikilvægt er að þú kynnir þér vel ítarlegar upplýsingar um skilyrði dvalarleyfis fyrir námsmenn til að tryggja að þú uppfyllir öll skilyrði leyfisins áður en þú sækir um.

Með umsóknareyðublaðinu þarftu að leggja fram:

• Kvittun fyrir greiðslu afgreiðslugjalds.

• Passamynd.

• Ljósrit vegabréfs.

• Afrit af sakavottorði.

• Staðfestingu sjúkratryggingar.

• Framfærslugögn.

• Staðfestingu á inngöngu í nám.

Mikilvægt er að þú kynnir þér vel ítarlegar upplýsingar um fylgigögn umsóknar um dvalarleyfi fyrir námsmenn til að tryggja að þú leggir gögnin fram á því formi sem Útlendingastofnun geri kröfu um.

Best er að hlaða eyðublaðinu niður og fylla út í tölvu.

Áður en umsókn er lögð fram er nauðsynlegt að greiða afgreiðslugjald með millifærslu í banka.

Afgreiðslugjaldið er 16.000 krónur.

Ógreidd umsókn verður endursend umsækjanda. Afgreiðslugjald er ekki endurgreitt þótt umsækjandi hætti við umsókn.

Umsóknir er aðeins hægt að leggja fram á pappírsformi.

Umsókn, greiðslukvittun og önnur fylgigögn þarf annaðhvort að senda í bréfpósti til Útlendingastofnunar eða skila í þar til gerðan póstkassa í anddyri stofnunarinnar.

Útlendingastofnun (sjá á korti)
Dalvegi 18
201 Kópavogi
Ísland

Eftir að umsókn þín hefur verið móttekin og skráð hjá Útlendingastofnun færðu sendan tölvupóst til staðfestingar. Þú getur síðan fylgst með því á vef stofnunarinnar hvaða umsóknir er verið að afgreiða hverju sinni.

Það er mikilvægt að sýna þolinmæði á meðan beðið er eftir svari. Ekki fást upplýsingar varðandi umsóknina í síma, tölvupósti eða netspjalli á meðan umsóknin bíður þess að verða tekin til vinnslu.

Þegar umsóknin hefur verið afgreidd hefur Útlendingastofnun samband og lætur þig vita hvaða skref þú þarft að taka næst.

Umsókn samþykkt

Ef umsókn er samþykkt þarftu að kynna þér

• hvað gerist eftir veitingu dvalarleyfis og

• hvaða réttindi og skyldur fylgja dvalarleyfi fyrir námsmenn.

Umsókn synjað

Ef umsókn er synjað hefurðu 15 daga til að kæra ákvörðunina til kærunefndar útlendingamála.

mega ekki vera staddir á landinu þegar sótt er um dvalarleyfið og það er til vinnslu. Slíkri umsókn verður synjað.

mega vera staddir á landinu þegar umsókn er lögð fram og á meðan hún er til vinnslu, svo lengi sem dvöl á Schengen-svæðinu fer ekki yfir 90 daga á síðastliðnu 180 daga tímabili. Fari dvöl fram yfir þann tíma stöðvast vinnsla umsóknar þar til umsækjandi hefur farið af landi brott og lagt fram brottfararspjald því til sönnunar.