Aðjúnkt í lífefnafræði

Laust er til umsóknar, tímabundið til eins árs, 70% starf aðjúnkts við Líf- og umhverfisvísindadeild Háskóla Íslands. Starfið felur í sér kennslu og rannsóknir í lífefnafræði. Starfsskyldur aðjúnktsins skiptast í 65% kennslu, 31% rannsóknir og 4% stjórnun.

• Umsjón og kennsla námskeiðs í Lífefnafræði 3 og þátttaka í öðrum námskeiðum, s.s. Lífefnafræði 1

• Leiðsögn í lokaverkefnum meistara- og doktorsnema

• Þátttaka í rannsóknaverkefnum og styrkjasókn innan námsleiðarinnar

• Þátttaka í tilfallandi verkefnum og stjórnsýslu innan námsleiðarinnar og Verkfræði- og náttúruvísindasviðs

• Doktorspróf í lífefnafræði

• Reynsla af kennslu á háskólastigi

• Góð færni í íslensku og ensku í ræðu og riti

• Samstarfshæfni og lipurð í mannlegum samskiptum

• Frumkvæði og sjálfstæði í starfi

Laun samkvæmt gildandi kjarasamningi sem fjármála- og efnahagsráðherra og Félag háskólakennara hafa gert.

Æskilegt að viðkomandi geti hafið störf 1. janúar 2026.

Eftirfarandi gögn skulu fylgja umsókn:

• Ferilskrá

• Kynningarbréf þar sem fjallað er um hvernig umsækjandi uppfyllir þær hæfnikröfur sem settar eru fram í auglýsingunni og hvað hann telur sig geta lagt af mörkum til starfsins

• Afrit af prófskírteinum

• Upplýsingar um umsagnaraðila

Öllum umsóknum verður svarað og umsækjendum tilkynnt um ráðstöfun starfsins þegar ákvörðun hefur verið tekin. Umsóknir geta gilt í sex mánuði frá lokum umsóknafrests.

Við ráðningu í störf í Háskóla Íslands er tekið mið af jafnréttisáætlun skólans. Vakin er athygli á málstefnu Háskóla Íslands.

Háskóli Íslands hefur frá stofnun verið undirstaða atvinnulífs og framfara í íslensku samfélagi. HÍ er jafnframt framsækinn rannsóknarháskóli og virkur þátttakandi í alþjóðlegu vísindasamstarfi.

Háskóli Íslands er stærsti háskóli landsins og býður upp á hátt í 400 námsleiðir í grunn-, meistara- og doktorsstigi. Um 14.000 nemendur stunda nám við skólann, þar af yfir 2.000 alþjóðlegir nemar.

Við Háskóla Íslands starfa yfir 1.800 manns. Skólinn leggur áherslu á að laða til sín fjölbreyttan hóp starfsfólks og stúdenta í alþjóðlegt fræðasamfélag þar sem akademískt frelsi, fagmennska, jafnrétti, fjölbreytileiki og inngilding eru í öndvegi.

Nánar um Háskóla Íslands, fræðasvið hans og deildir