Starf á dag- og göngudeild augnlækninga

Við óskum eftir að ráða sérhæfðan starfsmann í 80% starf á göngudeild augnsjúkdóma á Eiríksgötu 5.Göngudeildin er miðstöð augnsjúkdóma í landinu og skiptist í göngudeild, dagdeild og skurðstofur. Í boði er góð einstaklingsaðlögun undir leiðsögn reynds starfsfólk. Starfið er laust 1. janúar 2026 eða eftir nánara samkomulagi.

Í boði er:

• Fjölbreytt, tæknilegt og líflegt starf

• Einstaklingsmiðuð starfsþjálfun

• Starfsþróun með skipulagðri fræðslu

• Sérhæft starfsumhverfi þar sem ríkir góður starfsandi og þverfaglegt samstarf

• Dagvinna, allt að 80% starfshlutfall.

Vinnuvika starfsfólks í fullri dagvinnu er 36 stundir. Markmiðið er að stuðla að betri heilsu og öryggi starfsfólks og auka möguleika þess til að samþætta betur vinnu og einkalíf.

• Umsjón með verkfærum deildarinnar

• Umsjón með lager deildar og vörupantanir

• Umsjón með daglegu skipulagi, vörumóttöku og umgengni á lager

• Sótthreinsun og pökkun sérhæfðra áhalda

• Samskipti og samvinna við birgðastöð og birgja

• Vörupantanir og frágangur

• Vinna í tölvukerfum

• Önnur tilfallandi verkefni í samráði við deildarstjóra

• Stúdentspróf eða annað nám og/ eða reynsla sem nýtist í starfi

• Faglegur metnaður

• Góð tölvukunnátta

• Góð samskiptahæfni, jákvætt viðmót, lipurð og sveigjanleiki

• Sjálfstæð og skipulögð vinnubrögð

• Stundvísi

• Hæfni til að vinna í teymi

• Góð íslenskukunnátta er áskilin

Laun samkvæmt gildandi kjarasamningi sem fjármála- og efnahagsráðherra og Sameyki hafa gert.

Umsókn fylgi náms- og starfsferilskrá ásamt kynningarbréfi. Fylgiskjöl skulu vera á pdf formi.

Tekið er mið af jafnréttisstefnu Landspítala við ráðningar á spítalanum. Öllum umsóknum verður svarað.

Landspítali er lifandi og fjölbreyttur vinnustaður þar sem um 7000 manns starfa í þverfaglegum teymum og samstarfi ólíkra fagstétta. Framtíðarsýn Landspítala er að þar sé veitt framúrskarandi heilbrigðisþjónusta byggð á vísindum, fagmennsku og umhyggju, öflugu fagfólki og studd með umgjörð og aðbúnaði sem sómi er að.

Landspítali hefur hlotið jafnlaunavottun samkvæmt jafnlaunastaðlinum ÍST85:2012, úttekt framkvæmd af Versa vottun ehf.

Umsóknir geta gilt í 6 mánuði frá því að umsóknarfrestur rennur út, sbr. 2. gr. reglna nr. 464/1996, um auglýsingar á lausum störfum með síðari breytingum.

Starfsmerkingar: Heilbrigðisþjónusta, sérhæfður starfsmaður, sótthreinsitæknir

Íslenskukunnátta: íslenska 3/5

Staðsetning: Eiríksgata, 101 Reykjavík