Sérfræðingur á tæknideild á Suðursvæði

Vegagerðin auglýsir eftir öflugum einstaklingi til að sinna hönnun vega á Tæknideild Suðursvæðis. Starfið felst fyrst og fremst í hönnun vegamannvirkja, úrvinnslu mælinga, undirbúningi útboða og framkvæmda. Suðursvæði Vegagerðarinnar nær frá Gígjukvísl á Skeiðarársandi að botni Hvalfjarðar og upp á miðhálendi. Svæðismiðstöð Suðursvæðis er á Selfossi.

Tæknideild Suðursvæðis hefur m.a. umsjón með undirbúningi verka og aflar frumgagna, sinnir eftirliti og gerir áætlanir fyrir hin ýmsu verk. Starfstöð er á Selfossi.

• Hönnun vegamannvirkja, allt frá frumdrögum til verkhönnunar.

• Þátttaka í undirbúningi framkvæmda, gerð útboðsgagna o.fl.

• Uppgjör og magnreikningar.

• Úrvinnsla mælinga og gerð landlíkana.

• Samráð við hagsmunaaðila við undirbúning framkvæmda.

• Verk- eða tæknifræðimenntun, eða önnur menntun sem nýtist í starfi.

• Reynsla og kunnátta í notkun teiknikerfa (Cad) er skilyrði.

Vegagerðin notar Microstation og Inroads.

• Reynsla af ámóta störfum er kostur.

• Góð tölvukunnátta.

• Skipulagshæfni, frumkvæði og hæfni til að vinna sjálfstætt.

• Framúrskarandi samskiptafærni.

• Góð kunnátta í talaðri og ritaðri íslensku og ensku.

Laun samkvæmt gildandi kjarasamningi sem fjármála- og efnahagsráðherra og Verkfræðingafélag Íslands hafa gert.

Áhugasamir einstaklingar, án tillits til kyns, eru hvattir til að sækja um. Í umsókninni komi fram upplýsingar um fyrri störf og upplýsingar um þær hæfnikröfur sem óskað er eftir, auk afrita af prófskírteinum. Öllum umsóknum verður svarað þegar ákvörðun um ráðningu hefur verið tekin. Umsóknir geta gilt í sex mánuði frá því að umsóknarfrestur rennur út.

Vegagerðin er eftirsóknarverður vinnustaður, stærsta framkvæmdastofnun landsins með gríðarlega fjölbreytta verkefnaflóru. Vegagerðin þróar og annast samgöngukerfi, á sjó og landi, á sem hagkvæmastan hátt með þarfir samfélagsins, öryggi vegfarenda og umhverfissjónarmið að leiðarljósi. Um 370 starfsmenn Vegagerðarinnar starfa á 18 starfsstöðvum víðsvegar um landið