Hjúkrunarfræðingur/hjúkrunarfræðinemi á skurðlækningadeild - spennandi tækifæri!

Viltu vera hluti af framsæknu og samhentu teymi?

Við leitum að hjúkrunarfræðingi í 80-100% ótímabundna stöðu á skurðlækningadeild á Sjúkrahúsinu á Akureyri, einnig kemur til greina að ráða hjúkrunarfræðinema sem hafa lokið þriðja ári í námi. Um er að ræða vaktavinnu á þrískiptum vöktum og er staðan laus nú þegar eða eftir samkomulagi.

Á skurðlækningadeild starfar samheldið og metnaðarfullt þerfaglegt teymi í lærdómsríku og krefjandi starfsumhverfi. Áhersla er lögð á faglegan vöxt, góða samvinnu og öfuga liðsheild. Starfið býður upp á fjölbreytt tækifæri til byggja upp sterka faglega þekkingu, efla sjálfstæð vinnubrögð og taka virkan þátt í þróun deildarinnar.

Afhverju að velja skurðlækningadeild?

• Tækifæri til að byggja upp öfluga faglega þekkingu, þróa sjálfstæð vinnubrögð og faglega ábyrgð

• Markviss einstaklingsbundin aðlögðun með reyndum hjúkrunarfræðingum

• Fjölbreytt og spennandi starfsumhverfi í samheldnu og öflugu teymi

Mikil áhersla er lögð á að taka vel á móti nýju starfsfólki og veita einstaklingsbundna aðlögun undir leiðsögn reyndra hjúkrunarfræðinga. Starfið hentar bæði hjúkrunarfræðingum sem búa yfir þekkingu og reynslu, nýútskrifuðum sem og hjúkrunarfræðinemum sem lokið hafa þriðja ári í námi.

Næsti yfirmaður er Bryndís María Davíðsdóttir deildarstjóri.

• Ábyrgð á öllum almennum verkefnum hjúkrunarfræðinga samkvæmt lögum og reglugerðum

• Vera virkur þátttakandi í þróun deildarinnar

• Þátttaka í þverfaglegri teymisvinnu

• Að unnið sé samkvæmt markmiðum hjúkrunar, deildarinnar og stofnunarinnar

• Fullgilt hjúkrunarpróf og gilt íslenskt starfsleyfi sem hjúkrunarfræðingur (á ekki við ef um hjúkrunarnema er að ræða)

• Góð samskiptahæfni, frumkvæði og sjálfstæð vinnubrögð

• Hæfni og geta til að starfa í teymi

• Faglegur metnaður og áhugi

• Góð íslenskukunnátta

• Gerð er krafa um vammleysi, s.s. að vera með gott orðspor og að framkoma og athafnir á vinnustað og utan hans samrýmist starfinu

Laun samkvæmt gildandi kjarasamningi sem fjármála- og efnahagsráðherra og Félag íslenskra hjúkrunarfræðinga hafa gert.

Allar umsóknir þurfa að fara rafrænt í gegnum ráðningarkerfi ríkisins. Umsóknum skulu fylgja ítarlegar upplýsingar um nám og starfsferilskrá ásamt afriti af prófskírteinum og starfsleyfi, ef við á. Tekið er mið af jafnréttisstefnu Sjúkrahússins á Akureyri við ráðningar í störf á sjúkrahúsinu. Umsóknir geta gilt í 6 mánuði frá birtingu auglýsingar, sbr. 3. tl. 2. mgr. 2. gr. reglna nr. 1000/2019 um auglýsingar lausra starfa með síðari breytingum. Öllum umsóknum verður svarað.

Sjúkrahúsið á Akureyri veitir alþjóðlega DNV-GL vottaða heilbrigðisþjónustu með ISO vottuðu gæðastjórnunarkerfi þar sem áhersla er á virka þátttöku allra starfsmanna til að uppfylla þær gæðakröfur sem gerðar eru í alþjóðlegum staðli sem sjúkrahúsið er vottað eftir.

Samkvæmt mannauðsstefnu Sjúkrahússins á Akureyri er lögð áhersla á að ráða til starfa og halda í hæfileikaríka einstaklinga. Við val á starfsfólki er menntun, reynsla, færni og hæfni höfð að leiðarljósi. Mannauðsstefnan er leiðarljós stjórnenda og starfsfólks sem gerir sjúkrahúsið framsækinn og eftirsóknarverðan vinnustað, en hún byggir á grunngildum sjúkrahússins sem eru: ÖRYGGI, SAMVINNA og FRAMSÆKNI.