Sjúkraliði á lyflækningadeild Sjúkrahússins á Akureyri

Sjúkraliði óskast til starfa á lyflækningadeild Sjúkrahússins á Akureyri. Um er að ræða 70-100% ótímabundnastöð í vaktavinnu þar sem unnið er á þrískiptum vöktum í fjölbreyttu og lærdómsríku starfsumhverfi. Sækjum eftir bæði reynsluboltum sem og nýútskrifuðum.

Á deildinni er lögð áhersla á þverfaglega samvinnu og býður starfið upp á góð tækifæri til að þróa með sér mikla faglega þekkingu og hæfni í sjálfstæðum vinnubrögðum. Við tökum vel á móti nýju starfsfólki og veitum góða einstaklingshæfða aðlögun.

Staðan er laus frá 1. ágúst nk. eða eftir samkomulagi.

Næsti yfirmaður er Sólveig Hulda Valgeirsdóttir, deildarstjóri á lyflækningadeild.

Komdu og vertu hluti af öflugu teymi á Sjúkrahúsinu á Akureyri!

Í starfinu felst ábyrgð á öllum almennum verkefnum sjúkraliða samkvæmt lögum og reglugerðum. Einnig að unnið sé samkvæmt markmiðum hjúkrunar, deildarinnar og stofnunarinnar.

• Sjúkraliði skal hafa lokið sjúkraliðanámi frá viðurkenndri menntastofnun og hafa gilt starfsleyfi

• Sjúkraliðanemum stendur einnig til boða að sækja um starfið án umræddra krafna

• Faglegur metnaður og ábyrgð í starfi

• Góð samskiptahæfni og jákvætt viðmót

• Frumkvæði og sjálfstæð vinnubrögð

• Hæfni og geta til að starfa í teymi

• Gerð er krafa um vammleysi, s.s. að vera með gott orðspor og að framkoma og athafnir á vinnustað og utan hans samrýmist starfinu

Laun samkvæmt gildandi kjarasamningi sem fjármála- og efnahagsráðherra og Sjúkraliðafélag Íslands hafa gert.

Allar umsóknir þurfa að fara rafrænt í gegnum ráðningarkerfi ríkisins. Umsóknum skulu fylgja ítarlegar upplýsingar um nám og starfsferilskrá ásamt afriti af prófskírteinum og starfsleyfi, ef við á. Tekið er mið af jafnréttisstefnu Sjúkrahússins á Akureyri við ráðningar í störf á sjúkrahúsinu. Umsóknir geta gilt í 6 mánuði frá birtingu auglýsingar, sbr. 3. tl. 2. mgr. 2. gr. reglna nr. 1000/2019 um auglýsingar lausra starfa með síðari breytingum. Öllum umsóknum verður svarað.

Sjúkrahúsið á Akureyri veitir alþjóðlega DNV-GL vottaða heilbrigðisþjónustu með ISO vottuðu gæðastjórnunarkerfi þar sem áhersla er á virka þátttöku allra starfsmanna til að uppfylla þær gæðakröfur sem gerðar eru í alþjóðlegum staðli sem sjúkrahúsið er vottað eftir.

Samkvæmt mannauðsstefnu Sjúkrahússins á Akureyri er lögð áhersla á að ráða til starfa og halda í hæfileikaríka einstaklinga. Við val á starfsfólki er menntun, reynsla, færni og hæfni höfð að leiðarljósi. Mannauðsstefnan er leiðarljós stjórnenda og starfsfólks sem gerir sjúkrahúsið framsækinn og eftirsóknarverðan vinnustað, en hún byggir á grunngildum sjúkrahússins sem eru: ÖRYGGI, SAMVINNA og FRAMSÆKNI.