Starfsmaður í býtibúr

Við viljum ráða jákvæðan og þjónustulundaðan einstakling, með ríka samskipta- og samstarfshæfni, í býtibúr líknardeildar Landspítala í Kópavogi. Starfið er laust nú þegar eða eftir nánara samkomulagi. Unnið er í dagvinnu virka daga kl. 8:00-15:12 og ein til tvær helgar í mánuði.

Deildin er 12 rúma legudeild sem sinnir sérhæfðri einkennameðferð og lífslokameðferð sjúklinga með krabbamein eða aðra langvinna sjúkdóma. Við leggjum áherslu á að taka vel á móti nýju samstarfsfólki og veita góða aðlögun. Áhugasömum er velkomið að hafa samband við Ólöfu Ásdísi, deildarstjóra.

• Umsjón með býtibúri

• Aðstoða við máltíðir sjúklinga

• Pantanir og frágangur á vörum

• Önnur tilfallandi störf í samráði við deildarstjóra

• Góð samskiptahæfni

• Þjónustulund og jákvæðni

• Sjálfstæði og skipulögð vinnubrögð

• Góð íslenskukunnátta

Laun samkvæmt gildandi kjarasamningi sem fjármála- og efnahagsráðherra og Efling stéttarfélag hafa gert.

Allar umsóknir þurfa að fara rafrænt í gegnum ráðningarkerfi ríkisins. Umsókn fylgi náms- og starfsferilskrá ásamt kynningarbréfi. Fylgiskjöl skulu vera á pdf formi.

Tekið er mið af jafnréttisstefnu Landspítala við ráðningar á spítalanum. Öllum umsóknum verður svarað.

Landspítali er lifandi og fjölbreyttur vinnustaður þar sem um 7000 einstaklingar starfa í þverfaglegum teymum og samstarfi ólíkra fagstétta. Framtíðarsýn Landspítala er að þar sé veitt framúrskarandi heilbrigðisþjónusta byggð á vísindum, fagmennsku og umhyggju, öflugu fagfólki og studd með umgjörð og aðbúnaði sem sómi er að.

Landspítali hefur hlotið jafnlaunavottun samkvæmt jafnlaunastaðlinum ÍST85:2012, úttekt framkvæmd af Versa vottun ehf.

Umsóknir geta gilt í 6 mánuði frá því að umsóknarfrestur rennur út, sbr. 2. gr. reglna nr. 464/1996, um auglýsingar á lausum störfum með síðari breytingum.

Starfsmerkingar: Heilbrigðisþjónusta, sérhæfður starfsmaður, eldhússtörf

Tungumálahæfni: Íslenkukunnátta 3/5