Fara beint í efnið

Þjónustuaðili

Landspítali

Upplýsingar um starf

Starf

Skurðhjúkrunarfræðingur á skurðstofur í Fossvogi

Staðsetning

Höfuðborgarsvæðið

Starfshlutfall

50-100%

Starf skráð

04.02.2025

Umsóknarfrestur

14.02.2025

Skurðhjúkrunarfræðingur á skurðstofur í Fossvogi

Við leitum eftir skurðhjúkrunarfræðingi til starfa á skurðstofur í Fossvogi. Í boði er áhugavert starf með góðu samstarfsfólki þar sem unnið er á þrískiptum vöktum auk bakvakta samkvæmt vaktskipulagi deildar eftir að þjálfun lýkur. Starfishlutfall er samkomulag og er starfið laust frá 1. mars 2025 eða eftir nánara samkomulagi.

Á deildinni eru 8 skurðstofur sem þjóna 5 sérgreinum og árlega eru framkvæmdar þar um 6000 aðgerðir. Á deildinni starfa um 90 einstaklingar, hjúkrunarfræðingar, sjúkraliðar, sótthreinsitæknar, skrifstofufólk og sérhæft starfsfólk við fjölbreytt og krefjandi verkefni, sem unnin eru í nánu samstarfi við fagfólk í öðrum sérgreinum. Gagnreynd þekking, viðurkenndir verkferlar, öryggi sjúklinga og teymisvinna eru höfð í fyrirrúmi.

Í boði er einstaklingsaðlöguð þjálfun eftir þörfum hvers og eins á skemmtilegum vinnustað.

Helstu verkefni og ábyrgð

  • Einstaklingshæfð hjúkrun við undirbúning, framkvæmd og skil í skurðaðgerðum samkvæmt skipulagi deildar

  • Ákveður, skráir og veitir hjúkrunarmeðferð í samráði við þarfir skjólstæðinga

  • Ber ábyrgð á meðferð, samkvæmt starfslýsingu og vinnureglum deildar

  • Þátttaka í teymisvinnu og umbótastarfi deildar

Hæfniskröfur

  • Íslenskt hjúkrunarleyfi

  • Sérnám í skurðhjúkrun

  • Faglegur metnaður

  • Góð samskiptahæfni og lipurð í mannlegum samskiptum

  • Sveigjanleiki og sjálfstæði í vinnubrögðum

  • Áhugi og hæfni til að takast á við breytingar og færni í teymisvinnu

  • Góð íslenskukunnátta er skilyrði

Frekari upplýsingar um starfið

Laun samkvæmt gildandi kjarasamningi sem fjármála- og efnahagsráðherra og Félag íslenskra hjúkrunarfræðinga hafa gert.

Allar umsóknir þurfa að fara rafrænt í gegnum ráðningarkerfi ríkisins. Umsókn fylgi náms- og starfsferilskrá ásamt kynningarbréfi og afriti af prófskírteinum og starfsleyfi. Fylgiskjöl skulu vera á pdf formi.

Tekið er mið af jafnréttisstefnu Landspítala við ráðningar á spítalanum. Öllum umsóknum verður svarað.

Landspítali er lifandi og fjölbreyttur vinnustaður þar sem um 7000 einstaklingar starfa í þverfaglegum teymum og samstarfi ólíkra fagstétta. Framtíðarsýn Landspítala er að þar sé veitt framúrskarandi heilbrigðisþjónusta byggð á vísindum, fagmennsku og umhyggju, öflugu fagfólki og studd með umgjörð og aðbúnaði sem sómi er að.

Landspítali hefur hlotið jafnlaunavottun samkvæmt jafnlaunastaðlinum ÍST85:2012, úttekt framkvæmd af Versa vottun ehf.

Umsóknir geta gilt í 6 mánuði frá birtingu auglýsingar, sbr. 3. tl. 2. mgr. 2. gr. reglna nr. 1000/2019 um auglýsingar lausra starfa með síðari breytingum.

Starfsmerkingar: Heilbrigðisþjónusta, skurðhjúkrunarfræðingur, hjúkrunarfræðingur, hjúkrun, teymisvinna

Tungumálahæfni: íslenska 4/5

Starfshlutfall er 50-100%

Umsóknarfrestur er til og með 14.02.2025

Nánari upplýsingar veitir

Eydís Ingvarsdóttir, eydisi@landspitali.is

Sími: 543-7877

Þjónustuaðili

Landspítali

Upplýsingar um starf

Starf

Skurðhjúkrunarfræðingur á skurðstofur í Fossvogi

Staðsetning

Höfuðborgarsvæðið

Starfshlutfall

50-100%

Starf skráð

04.02.2025

Umsóknarfrestur

14.02.2025