Sumarstörf - Hjúkrunarfræðingur/hjúkrunarnemi á heilsugæslu HSN Blönduósi

Heilbrigðisstofnun Norðurlands óskar eftir að ráða hjúkrunarfræðing/ hjúkrunarnema í sumarafleysingar á heilsugæsluna á Blönduósi. Ráðningartími er frá 15. maí til 31. ágúst 2025 eða samkvæmt samkomulagi. Við erum opin fyrir því að ráða hjúkrunarfræðinga til að vinna styttri lotur, valdar helgar eða í allt sumar.

Í starfinu felst ábyrgð á öllum almennum verkefnum hjúkrunarfræðinga samkvæmt lögum og reglugerðum. Einnig að unnið sé samkvæmt markmiðum hjúkrunar, deildarinnar og stofnunarinnar. Verksvið og ábyrgð hjúkrunarfræðinema er í samræmi við námsframvindu.

• Fullgilt hjúkrunarpróf og íslenskt starfsleyfi, staðfesting á námi fyrir nema

• Frumkvæði og sjálfstæði í vinnubrögðum

• Frábær samskiptahæfni, jákvæðni og sveigjanleiki

• Hreint sakavottorð

Laun samkvæmt gildandi kjarasamningi sem fjármála- og efnahagsráðherra og Félag íslenskra hjúkrunarfræðinga hafa gert.

Tekið er á móti rafrænum umsóknum á starfatorgi.is með því að smella á hlekkinn hér að neðan. Fólk af öllum kynjum er hvatt til að sækja um starfið. Öllum umsóknum verður svarað þegar ákvörðun um ráðningu hefur verið tekin. Með umsókn skal fylgja ferilskrá á íslensku, afrit af prófskírteini og íslenskt hjúkrunarleyfi. Einnig staðfesting á námi fyrir nema.

Tóbaksnotkun er ekki heimil á vinnutíma innan HSN.

Gildi HSN eru: Fagmennska - Samvinna - Virðing