Þjónustuaðili
Utanríkisráðuneytið
Upplýsingar um starf
Starf
Ungliðastaða á sviði stefnumótunar og málsvarastarfs á skrifstofu Mannfjöldasjóðs SÞ í Úganda (e. Junior Professional Officer (JPO), UNFPA, Uganda)
Staðsetning
Erlendis
Starfshlutfall
100%
Starf skráð
03.09.2024
Umsóknarfrestur
27.09.2024
Ungliðastaða á sviði stefnumótunar og málsvarastarfs á skrifstofu Mannfjöldasjóðs SÞ í Úganda (e. Junior Professional Officer (JPO), UNFPA, Uganda)
Á vegum Sameinuðu þjóðanna (SÞ) er starfrækt ungliðaverkefni (e. Junior Professional Officer Programme) þar sem ungu fólki er gefið tækifæri á að starfa á vegum stofnanna SÞ. Í ár fjármagnar utanríkisráðuneytið ungliðastöðu sérfræðings á sviði stefnumótunar og málsvarastarfs hjá Mannfjöldasjóði SÞ (e. JPO – Programme Analyst, Population and Development) á skrifstofu stofnunarinnar í Kampala, Úganda. Ungliðastöður hjá Sameinuðu þjóðunum eru opnar fyrir íslenska ríkisborgara 32 ára og yngri (fæðingarár 1991 og síðar).
Helstu verkefni og ábyrgð
Styðja við greiningarvinnu á lýðfræðilegri þróun í stjórnmálalegu, efnahagslegu og félagslegu samhengi í tengslum við verkefni og stefnumótun UNFPA í Úganda, og þróun málsvarastarfs á þeim grundvelli.
Aðstoða við innleiðingu og eftirfylgni verkefna og eiga samráð við samstarfsaðila, sérfræðinga, opinberar stofnanir og aðrar SÞ-stofnanir í Úganda til að tryggja að verkefni skili tilætluðum afurðum á skilvirkan hátt og innan tímaramma.
Styðja við þekkingaröflun og aðstoða við rannsóknar- og kynningarvinnu tengt áherslum UNFPA.
Þátttaka í málsvarastarfi og fjáröflunarvinnu eftir atvikum og veita stuðning við mótun nýrrar landaáætlunar UNFPA fyrir Úganda.
Hæfniskröfur
Háskólagráða á framhaldsstigi í félagsvísindum eða öðrum tengdum greinum, með þekkingu á tölfræði og lýðfræði.
Gerð er krafa um að umsækjandi hafi að minnsta kosti tveggja ára starfsreynslu í stefnumótun eða málsvarastarfi tengt málefnum þróunarsamvinnu.
Æskilegt er að umsækjandi hafi reynslu af gagnaumsjón, starfsreynsla í þróunarríki er kostur.
Mjög góð færni til að tjá sig í ræðu og riti á ensku er skilyrði. Æskilegir eiginleikar eru góð aðlögunarhæfni, menningarlæsi, dómgreind og frumkvæði.
Frekari upplýsingar um starfið
Ráðið er til eins árs, með möguleika á framlengingu um eitt ár til viðbótar. Sérfræðingurinn verður starfsmaður Mannfjöldasjóðs SÞ og launa- og starfskjör eru samkvæmt reglum stofnunarinnar.
Umsóknarfrestur er til og með 27. september 2024. Allir einstaklingar, sem uppfylla hæfnis- og aldurskröfur, óháð kyni eru hvött til að sækja um starfið. Sjá ítarlega starfslýsingu á ensku.
Kynningarbréf og útfyllt ferilskrá í P11-eyðublaði á ensku, skal senda utanríkisráðuneytinu í tölvupósti á netfangið jpo@utn.is Mannfjöldasjóður SÞ tekur ákvörðun um ráðningu. Öllum umsóknum verður svarað þegar ákvörðun um ráðningu hefur verið tekin.
Starfshlutfall er 100%
Umsóknarfrestur er til og með 27.09.2024
Þjónustuaðili
Utanríkisráðuneytið
Upplýsingar um starf
Starf
Ungliðastaða á sviði stefnumótunar og málsvarastarfs á skrifstofu Mannfjöldasjóðs SÞ í Úganda (e. Junior Professional Officer (JPO), UNFPA, Uganda)
Staðsetning
Erlendis
Starfshlutfall
100%
Starf skráð
03.09.2024
Umsóknarfrestur
27.09.2024