Áformað er að innleiða samræmdar reglur um 15% lágmarksskatt fjölþjóðlegra samstæðna með það að markmiði að draga úr skaðlegri skattasamkeppni á milli landa. Fyrirmynd reglnanna hefur verið samin á vettvangi OECD IF ásamt greinargerð og leiðbeiningum um framkvæmd reglnanna. Ísland hefur áform um að taka reglurnar upp í landslög án frávika (að svo miklu leyti sem það er hægt) þannig að unnt sé að beita þeim með samræmdum hætti milli ríkja. Er áformað að taka upp tilskipun Evrópuráðsins nr. 2022/2523, sem byggjast á fyrirmyndarreglum OECD IF, vegna tengsla Íslands við EES.