27. júní 2023

Rannsókn á næringarástandi eldra fólks í sjálfstæðri búsetu á Akureyri

Sandra Ásgrímsdóttir hjúkrunarfræðingur á gjörgæslu SAk lauk nýverið rannsókn á næringarástandi eldra fólks í sjálfstæðri búsetu á Akureyri og nágrenni.

20. júní 2023

Hollvinir SAk halda garðveislu í Lystigarðinum -í tilefni af 10 ára afmæli samtakanna

Hollvinasamtök Sjúkrahússins á Akureyri (SAk) fagna 10 ára afmæli sínu á þessu ári. Af því tilefni blása Hollvinir SAk til garðveislu í Lystigarðinum á Akureyri föstudaginn 23. júní frá kl. 16 til 18.

19. júní 2023

Ljósameðferð hættir á SAk

SAk hefur verið í viðræðum við SÍ um læknisþjónustu tengt ljósameðferð þar sem enginn sérfræðingur í húðlækningum er starfandi á SAk.

19. júní 2023

Stöðva þarf kæfisvefnsrannsóknir á SAk tímabundið

Kæfisvefnsrannsóknum hefur fjölgað mikið síðastliðin ár og nú er svo komið að gildandi samningur við Sjúkratryggingar Íslands um fjölda rannsókna nægir ekki til að anna eftirspurn eftir þjónustunni.

14. júní 2023

Sjúkraliðanám á háskólastigi

​Síðasta laugardag áttu sér heilmikil tíðindi í sögu heilbrigðisvísinda á Íslandi. Í fyrsta sinn eru sjúkraliðar á Íslandi að ljúka sjúkraliðanámi á háskólastigi

6. júní 2023

Hollvinir SAk afhenda hryggsjá

Stærsta verkefni Hollvinasamtaka SAk til þessa lokið á 10 ára afmæli samtakanna. Hollvinasamtök Sjúkrahússins á Akureyri (SAk) afhentu Sjúkrahúsinu á Akureyri (SAk) í dag með formlegum hætti svonefnda hryggsjá (Brain-lab). Um er að ræða eins konar leiðsögutæki fyrir stórar aðgerðir á hryggsúlunni. Tækið var tekið í notkun um áramótin en afhent með formlegum hætti nú. Það kostaði 40 milljónir króna.

6. júní 2023

Rannsókn á algengi svefnvandamála barna

Gagnasöfnun lýkur eftir tvo daga! 363 börn skráð í rannsóknina en „væri frábært að fá nokkra tugi til viðbótar“ á endasprettinum. „Algengi svefnvandamála barna.“ er viðamikil rannsókn sem Sjúkrahúsið á Akureyri leiðir. Nú er vika þar til gagnasöfnun lýkur en í dag eru 363 börn skráð í rannsóknina. Fyrstu niðurstöður gefa til kynna að kæfisvefn meðal barna sé algengara vandamál en fyrri rannsóknir hafa gefið til kynna en alls hafa 75 þátttakendur með meðal- eða alvarlegan kæfisvefn mætt í skoðun og eftirfylgni hjá háls-, nef- og eyrnalækni, barnalækni og tannréttingasérfræðingi. Í þessari viku fara síðustu kynningarfundirnir fram. Skráning í rannsóknina og frekari upplýsingar fást með því að senda línu á svefn@sak.is. Öll börn fædd 2014-2018 sem búa á Akureyri og í nærsveitum geta tekið þátt.

2. júní 2023

Starfsemistölur fyrir janúar-maí 2023

Mánaðarlega eru gefnar út starfsemistölur fyrir sjúkrahúsið og má sjá ítarlegri upplýsingar í meðfylgjandi skjali (PDF). Helstu starfsemistölur eru þær að fjöldi dvalardaga ofangreint tímabil eru 13.516 og er meðaldvöl á deild 4,8 dagar. Flestir sjúklinganna eru lagðir inn í bráðainnlögn en þær eru tæplega 76% af heildarinnlögnum.

24. maí 2023

Nýtt skipurit tekur gildi 1. september 2023

Síðastliðna mánuði hefur verið unnið að greiningu á núverandi stjórnskipulagi Sjúkrahússins á Akureyri í samráði við framkvæmdastjórn, fagráð, stjórnendur og starfsfólk. Ráðgjöf var fengin frá KPMG á Íslandi. Í greiningarvinnunni var horft bæði til rekstar og þjónustu sjúkrahússins og fól niðurstaðan m.a. í sér breytingar á skipuritinu sem miða að því að búa sjúkrahúsið betur undir þær áskoranir sem við stöndum frammi fyrir í heilbrigðiskerfinu.

16. maí 2023

ECDC PPS skráning á sjúkrahússýkingum 2023

Dagana 8 til 10 maí fór fram ECDC (The European Centre for Disease Prevention and Control ) PPS skráning á sjúkrahússýkingum á SAk að beiðni sóttvarnarlæknis. Skráningin er þriðja skráningin sem gerð er á Íslandi og er LSH einnig þátttakandi í verkefninu.