17. september 2024

Landssöfnun á birkifræi hófst í Reykhúsaskógi

Átakið Söfnum og sáum birkifræi hófst í gær á degi íslenskrar náttúru, 16. september, með því að Lionsklúbburinn Sif í Eyjafjarðarsveit stóð fyrir söfnun í Reykhúsaskógi í Eyjafjarðarsveit. Þetta var í fjórða sinn sem klúbburinn efnir til slíks viðburðar og leggur sitt af mörkum til átaksins. Fræsöfnunarfólkið gat svo gætt sér á veitingum í Hælinu í Kristnesi sem hafði sérstaklega opið að þessu tilefni.

17. september 2024

Yfir 400 ára gamalt starfsheiti

Hópur sænskra skógfræðinema á öðru ári við sænska landbúnaðarháskólann SLU í Umeå hefur verið á ferð hér á landi síðustu daga og skoðað skóga og skógrækt. Nemarnir læra ýmsar hliðar skógræktar, úrvinnslu og umhirðu skóga og hljóta gráðuna jägermästare sem samsvarar gráðu skógfræðings á Íslandi en á sér margra alda rætur.

13. september 2024

Birkifræsöfnun þjóðarinnar fram undan

Árlegt átak Lands og skógar í samvinnu við skógræktarhreyfinguna og fleiri samtök og fyrirtæki hefst formlega á degi íslenskrar náttúru 16. september. Fyrsti viðburðurinn verður á vegum Lionsklúbbsins Sifjar í Reykhúsaskógi Eyjafjarðarsveit klukkan sautján í samvinnu við Skógræktarfélag Eyfirðinga og skógarbændur í Reykhúsum.

9. september 2024

Ráðist gegn rofabörðunum

Dreifing á heyi og öðrum lífrænum efnum hefur gefið góða raun við að græða upp rofabörð. Dæmi um góðan árangur má sjá á jörðinni Heiðarási í Þingvallasveit sem notið hefur styrks frá Landbótasjóði til uppgræðslustarfsins.

8. september 2024

Tartu-yfirlýsingin um nýju evrópsku náttúruverndarlöggjöfina

Með Tartu-yfirlýsingunni SRE2024, sem gefin var út nýverið á fjórtándu Evrópuráðstefnunni um endurheimt vistkerfa, er áhersla lögð á nauðsyn þess að koma fljótt í framkvæmd þeirri nýju löggjöf Evrópusambandsins um endurheimt náttúrunnar sem samþykkt var 18. ágúst. Í yfirlýsingunni er athygli beint að ómissandi hlutverki endurheimtar náttúru í baráttunni við loftslagsbreytingar og hnignandi fjölbreytni lífríkis. Endurheimt vistkerfa sé grunnforsenda fyrir velferð komandi kynslóða Evrópubúa.

4. september 2024

Af pöddum og óvinum þeirra

Einn þeirra skaðvalda sem hafa sótt í sig veðrið hérlendis síðustu árin er lítil bjalla með gljáandi koparlitan skjöld sem herjar á ýmsar tegundir af víðiættkvíslinni, til dæmis alaskaösp. Sérstaklega er hún þó sólgin í gulvíði og viðju sem orðið hafa illa fyrir barðinu á henni á Suðurlandi undanfarin ár. Nú síðsumars hafa í fyrsta sinn sést gulvíði- og viðjubrúskar á Akureyri brúnir af völdum asparglyttu. Skemmdir vegna birkikembu og birkiþélu virðast með minna móti syðra þetta árið. Hugsanlegt er að nýr óvinur birkiþélu sé farinn að gera þar gagn. Hvaða skemmdir hefur þú séð í sumar? Láttu okkur vita!

2. september 2024

Við munum endurheimta vistkerfi okkar

Landgræðsluskóli GRÓ, þekkingarmiðstöðvar þróunarsamvinnu, brautskráði nemendur í sautjánda sinn 27. ágúst við athöfn í húsakynnum Landbúnaðarháskóla Íslands að Keldnaholti. Að þessu sinni voru í fyrsta sinn brautskráðir nemendur frá Kenía en alls voru nemendurnir frá níu löndum í Afríku og Mið-Asíu. Námið gefur alþjóðlegar ECTS-einingar sem nýta má í frekara námi við til dæmis Landbúnaðarháskóla Íslands.

29. ágúst 2024

Staðlar og gæðaviðmið í skógrækt og landgræðslu

Á síðustu dögum hafa skapast miklar umræður í þjóðfélaginu um skógrækt sem hófust með umfjöllun fjölmiðla um skógræktarverkefni á vegum einkaaðila í landi sveitarfélagsins Norðurþings í Saltvík. Við hjá Landi og skógi höfum í kjölfar þessarar miklu umfjöllunar átt fund með fulltrúum framkvæmdaaðila og landeigenda til að fara yfir þessa tilteknu framkvæmd til að skoða hvort eitthvað og þá hvað hafi farið úrskeiðis.

27. ágúst 2024

Embla – kynbætt yrki af íslensku birki gróðursett í frægarð til fræframleiðslu

Í liðinni viku voru gróðursett fjögur hundruð birkitré á Tumastöðum í Fljótshlíð sem ætlað er að gefa fræ til framleiðslu á úrvalsbirki. Yrkið kallast 'Embla' og er árangur af kynbótastarfi sem miðað hefur verið að því að fá beinvaxið íslenskt birki með góðan vaxtarþrótt.

23. ágúst 2024

Áhugasamir þátttakendur fræddust um jarðveg í Grasagarði Reykjavíkur

Um tuttugu manns fræddust um jarðveg og jarðvegslíf í fræðslugöngu sem Land og skógur stóð fyrir 14. ágúst í samvinnu við Grasagarðinn í Reykjavík með yfirskriftinni „Lífið í moldinni“. Fjallað var um kolefnisbindingu neðanjarðar, sveppi, bakteríur og fleiri jarðvegslífverur en þátttakendur fengu líka að kynnast aðferðum við jarðgerð á lífrænum heimilisúrgangi.