Ísland.is appið
Með ríkið í vasanum
9. júlí 2024
Um þessar mundir er styrkur útfjólublárrar geislunar frá sólu í hámarki á Íslandi. Svokallaður UV-stuðull er notaður til að segja til um styrk hennar.
10. maí 2024
Nú þarf að huga að sólarvörnum. Með vorinu hækkar sól á lofti og eykst þá styrkur útfjólublárrar geislunar frá sólu. Svokallaður UV-stuðull segir til um styrk útfjólublárrar geislunar. Mælt er með að verja sig fyrir sólinni þegar UV stuðullinn er 3 eða hærri. Á Íslandi getur UV stuðullinn verið 3 eða hærri um það bil frá maí til september.
21. febrúar 2024
Niðurstöður úr nýrri Gallup könnun sýna að um 8% ungmenna á aldrinum 12-17 ára notuðu ljósabekk einu sinni eða oftar árið 2023. Það er ekki marktækur munur á þessari niðurstöðu og niðurstöðu úr síðustu könnun sem gerð var meðal ungmenna en það var árið 2016. Frá árinu 2011 hefur verið í gildi 18 ára aldurtakmark á notkun ljósabekkja á Íslandi. Ástæða þess er að notkun ljósabekkja fylgir aukin hætta á húðkrabbameini og hættan er meiri fyrir börn og ungmenni en fyrir fullorðna.
30. janúar 2024
Geislavarnastofnanir Íslands, Noregs, Svíþjóðar, Finnlands og Danmerkur hafa gefið út tæknirit (e. technical report) um helstu atriði sem hafa þarf í huga þegar ákveðið er hvenær hægt er að útskrifa sjúklinga eftir meðferð með geislavirkum efnum.
6. desember 2023
Fjölmiðlar hafa fjallað um áhyggjur vegna öryggismála hjá bresku kjarnorkuvinnslustöðinni í Sellafield.
1. desember 2023
Í dag eru tímamót hjá Geislavörnum ríkisins. Sigurður M. Magnússon hefur látið af störfum sem forstjóri stofnunarinnar og Elísabet Dolinda Ólafsdóttir tekur við sem nýr forstjóri.
2. nóvember 2023
Geislavarnir ríkisins hafa gefið út nýtt rit í formi leiðbeininga um notkun færanlegra röntgentækja við dýralækningar. Þar er m.a. fjallað um hvernig tryggja skuli geislavarnir starfsfólks og annarra við notkun færanlegra röntgentækja við myndatökur af dýrum.
18. október 2023
Heilbrigðisráðherra, Willum Þór Þórsson, hefur skipað Elísabetu Dolindu Ólafsdóttur forstjóra Geislavarna ríkisins frá 1. desember næstkomandi. Ráðgefandi hæfnisnefnd mat Elísabetu Dolindu mjög hæfa til að gegna embættinu.
6. október 2023
Í ljósi umræðu að undanförnu verður ljósabekkjanotkun ungmenna könnuð síðar á árinu. Þess konar könnun var síðast gerð árið 2016. Ljósabekkjanotkun fullorðinna hefur hins vegar verið könnuð árlega frá árinu 2004, síðast í fyrra. Samkvæmt könnun ársins 2022 var hlutfall fullorðinna sem höfðu notað ljósabekk einu sinni eða oftar á síðustu 12 mánuðum um 6%, þriðja árið í röð. Notkun ljósabekkja fylgir aukin hætta á húðkrabbameini en hættan eykst verulega þegar notkun ljósabekkja hefst fyrir 30 ára aldur.
26. september 2023
Geislavarnir ríkisins hafa nú flutt vef sinn yfir á Ísland.is. Þarfir notanda voru settar í fyrsta sæti við gerð vefsins og að haft að markmiði að auðveldara sé afla sér upplýsinga.
