Rekstrardagbók fyrir byggingakrana

Rekstrardagbók skal halda fyrir alla krana með skráningarbókstöfunum AB.

Í rekstrardagbók skal til að mynda skrá:

• Allt reglubundið eftirlit sem mælt er fyrir um í handbókum frá framleiðanda viðkomandi krana og niðurstöður þessa eftirlits.

• Allt viðhald, s.s. fyrirbyggjandi viðhald, viðgerðir vegna bilana, öll víraskipti og aðrar endurnýjanir á búnaði.

• Allar uppsetningar á vinnustað og einnig hvar, hvenær og við hvaða verkefni er unnið.

• Allar breytingar á búnaði krana.

• Hæð masturs og lengd bómu.

• Færslu brautar og breytingar á undirstöðu.

• Slys, óhöpp eða næstum því slys vegna notkunar krana

Rekstrardagbókin skal vera í krananum eða í vörslu stjórnanda hans.