Heilsugæsla

Heilbrigðisþjónusta tekur til hvers kyns heilsugæslu, heilbrigðiseftirlits, lækningarannsókna, lækninga, hjúkrunar í sjúkrahúsum, læknisfræðilegs endurhæfingarstarfs, tannlækninga og sjúkraflutninga.

Heilsugæslustöðvar

Heilsugæslustöðvar þjóna fyrst og fremst íbúum viðkomandi sveitarfélags eða hverfis.

Æskilegt er því að skrá sig og sína á næstu heilsugæslustöð eða heilbrigðisstofnun og sækja um heimilislækni.

Þegar skráning hefur verið staðfest þarf viðkomandi að gefa heilsugæslustöð leyfi til að kalla eftir sjúkraskrárgögnum.

• Heilbrigðisstofnanir á landinu á vef embættis landlæknis

Sjúkrahús og heilbrigðisstofnanir

Heilbrigðisstarfsmenn hafa einir rétt til þess að senda fólk á sjúkrahús til meðferðar og lækninga.

Víða hafa sjúkrahús og heilsugæslustöðvar verið sameinaðar undir heitinu heilbrigðisstofnun.

Aðrar heilbrigðisstofnanir eru meðal annars endurhæfingarstofnanir, meðferðarheimili, sjúkrasambýli og vinnu- og dvalarheimili.

Öldrunarstofnanir eru samheiti yfir dagvist, stoðbýli, sambýli aldraðra, þjónustuíbúðir aldraðra, hjúkrunar- og dvalarheimili, dvalarrými og hjúkrunardeildir á sjúkrastofnunum.

• Heilbrigðisstofnanir á landinu á vef embættis landlæknis

Starfsfólk í heilbrigðisþjónustu

Heilbrigðisþjónustan samanstendur af fjölmörgum heilbrigðisstéttum með lögverndað starfsheiti og sumar hverjar lögverndað starfssvið, einnig fólki með sérþekkingu á öðrum sviðum og fólki sem sinnir almennum störfum.

• Starfsheiti og starfsleyfi heilbrigðisstarfsfólks á vef embættis landlæknis

Margir sérgreinalæknar og sérfræðingar starfa bæði á heilbrigðisstofnunum og eigin stofum. Flestir hafa gert samning við Tryggingastofnun.

Óhefðbundin meðferð

Græðarar leggja stund á heilsutengda þjónustu utan almenna heilbrigðiskerfisins, svokallaða óhefðbundna meðferð.

Óhefðbundin meðferð byggir fremur á hefð og reynslu en gagnreyndum vísindalegum niðurstöðum og er markmiðið að efla heilsu fólks, lina þjáningar, draga úr óþægindum og stuðla að heilun.

• Bandalag íslenskra græðara

• Um óhefðbundna meðferð á vef embættis landlæknis

Vert að skoða

• Gjaldskrá Heilsugæslu höfuðborgarsvæðisins

• Gjaldskrá sjúkratryggðra á vef Landspítalans

• Gjaldskrá ósjúkratryggðra á vef Landspítalans

• Hvert á að leita? á vef embættis landlæknis

• Upplýsingar fyrir almenning um smitsjúkdóma á vef embættis landlæknis

• Líf og heilsa á vef stjórnarráðsins

Lög og reglugerðir

• Heilbrigðismál, lagasafn Alþingis

• Heilbrigðismál, reglugerðasafn dómsmálaráðuneytis