Fara beint í efnið

Ferðagjöf til einstaklinga

Allir einstaklingar með lögheimili á Íslandi, fæddir 2002 og fyrr, fá Ferðagjöf að andvirði 5000kr. Ferðagjöfin er afhent í formi strikamerkis sem hægt er að sýna eða lesa upp þegar greitt er fyrir þjónustu hjá ferðaþjónustufyrirtæki sem er með í verkefninu.

Gjöfin er liður í því að styðja við bakið á íslenskri ferðaþjónustu í kjölfar heimsfaraldurs kórónuveiru. Gildistími Ferðagjafarinnar er til og með 31.desember 2020.

Hvernig nálgast ég Ferðagjöfina

Mælt er með að halda utan um Ferðagjöfina með appinu Ferðagjöf.

Þeir sem ekki eru með snjallsíma geta nálgast Ferðagjöfina með því að skrá sig inn á mínar síður á Ísland.is. Ekki er ráðlagt að prenta út strikamerkið þar sem hvert strikamerki er aðeins virkt í 15 mínútur.

Sækja app fyrir Ferðagjöf:

  • iPhone notendur sækja appið Ferðagjöf í App store

  • Android notendur sækja appið Ferðagjöf í Play store

  • Innskráning skv. leiðbeiningum í appi

Þá er hægt að Sækja Ferðagjöf hér á Ísland.is og hún mun birtast í appinu í formi strikamerkis.

Nota Ferðagjöfina

Til að nota Ferðagjöfina skal opna appið og sýna strikamerkið. Hægt er að slá inn númer strikamerkis þegar greitt er fyrir þjónustu á vef, lesa það upp ef pantað er í gegnum síma eða sýna strikamerkið ef greitt er á staðnum.

Þeir sem ekki eru með snjallsíma geta nálgast Ferðagjöfina með því að skrá sig inn á mínar síður á Ísland.is.

Gefa Ferðagjöfina

Heimilt er að gefa Ferðagjöf. Hver einstaklingur getur þó að hámarki nýtt 15 Ferðagjafir. Mögulegt er að gefa gjöfina áfram bæði í smáforritinu Ferðagjöf sem og beint af Ísland.is.

Í smáforritinu þarf að ýta á upphæðina en þá kemur upp valmöguleikinn að "Nota gjöf" eða "Gefa áfram". Kjósi fólk að senda mynd eða myndband með Ferðagjöfinni þarf smáforritið aðgang að myndavél símans en einnig er mögulegt að senda skriflega kveðju.

Á Ísland.is þarf að skrá sig inná með því að smella á "Sækja Ferðagjöf". Þá opnast gluggi með valmöguleikanum að nota ferðagjöfina eða "Gefa áfram".

Handvirk umsókn með innskráningu

Sækja

Efnisyfirlit