Laun í sóttkví

Fyrir hverja?

Atvinnurekendur sem greiða laun geta gert kröfu um endurgreiðslu, sjálfstætt starfandi sem hafa þurft að leggja niður störf og launamenn sem ekki hafa fengið greidd laun fyrir þann tíma sem þeir voru í sóttkví.

Helstu skilyrði

• Einstaklingur hafi sannanlega verið í sóttkví samkvæmt beinum fyrirmælum heilbrigðisyfirvalda og ekki sinnt vinnu að hluta eða öllu leyti á meðan

• Almennt er gert ráð fyrir að sóttkví vari í 14 daga

• Einungis er greitt fyrir þá daga sem viðkomandi hefði átt að vera við störf

• Greiðslur taka mið af heildarlaunum í þeim mánuði sem einstaklingur er í sóttkví

• Hámarksgreiðsla er 633.000 kr. á mánuði, eða 21.000 kr. á dag

• Hægt er að sækja um greiðslur eftir 15. dag næsta mánaðar eftir að sóttkví lauk

• Allar umsóknir um greiðslur þurfa að berast fyrir 31. mars 2022 

Hvar sæki ég um?

Vinnumálastofnun annast framkvæmd laga um tímabundnar greiðslur vegna einstaklinga sem sæta sóttkví. Sótt er um á vef stofnunarinnar.