Fara beint í efnið
Ísland.isHeilbrigðismál

Bólusetningar og smitsjúkdómar

Bólusetningar hafa verið almennar hér lengi og þátttaka mikil, einkum í bólusetningu barna. Þetta er mikilvægt þar sem farsóttum verður ekki haldið í skefjum nema þorri fólks sé bólusettur.

Bólusetning og smitsjúkdómar

Börn, búsett hér á landi, eru bólusett við ellefu sjúkdómum frá þriggja mánaða til fjórtán ára aldurs.

Ekki er ástæða til að endurtaka barnabólusetningar fullorðinna nema þegar haldið er til heimshluta þar sem smitsjúkdómar eru landlægir. Sjálfsagt er að láta bólusetja sig.

Læknar tilkynna smitsjúkdóma til sóttvarnalæknis. Tilgangurinn er að hindra útbreiðslu þeirra og koma upplýsingum til almennings.

Inflúensubólusetning

Bólusett er við árlegri inflúensu á hverju hausti. Gera má ráð fyrir faraldri frá október fram í mars og gengur hann yfirleitt yfir á tveimur til þremur mánuðum.

Mest hætta á alvarlegum fylgikvillum er hjá öldruðum og fólki með bælt ónæmiskerfi og er því fólki ráðlagt að láta bólusetja sig árlega.

Vert að skoða

Lög og reglugerðir

Efnisyfirlit