Þegar skipt er um eiganda ökutækis þarf að tilkynna um eigendaskiptin til Samgöngustofu.
Hafa skal í huga áður en eigendaskipti eru tilkynnt að fara vel yfir veðbönd, tjónaferil og fleiri atriði sem útlistað er í grein um kaup og sölu ökutækis.
Ferlið
Tilkynnt er um eigendaskipti ökutækis á Island.is og þarf það að gerast innan 7 daga frá kaupum.
Seljandi fyllir út tilkynninguna og greiðir fyrir skráningu.
Seljandi og kaupandi þurfa báðir að undirrita tilkynninguna, einnig meðeigandi ef við á.
Tilkynningin þarf að vera vottuð af aðilum sem hafa náð 18 ára aldri.
Skila þarf tilkynningunni í frumriti til Samgöngustofu eða skoðunarstöðvar ökutækja innan 7 daga.
Ef Samgöngustofa hefur athugasemdir vegna tilkynningar um eigendaskipti, eða ef tilkynningin er ekki rétt fyllt út, er ekki hægt að skrá eigendaskiptin. Samgöngustofa hefur þá samband með tölvupósti eða bréfpósti.
Kaupsamningur og afsal eru eingöngu milli kaupanda og seljanda sem staðfesting á viðskiptum þeirra á milli. Þau skjöl þurfa ekki að berast Samgöngustofu eða öðru yfirvaldi.